काठमाडौँ- कञ्चनपुरमा लागूऔषधसहित दुई जना पक्राउ परेका छन् ।
इलाका प्रहरी कार्यालय झलारी र रैकवारबाट खटीएको प्रहरी गस्ती टोलीले कृष्णपुर नगपालिका ७ कलुवापुरका गणेश पाण्डेय र कैलालीको गोदावरी नगरपालिका वडा नम्बर ७ लालपुरका ४० वर्षीय तीर्थ फुलारालाई पक्राउ गरेको कञ्चनपुरका प्रहरी प्रवक्ता प्रहरी नायब उपरीक्षक प्रकाश डाँगीले जानकारी दिए ।
पाण्डेयले चलाएको सुपप्र ०१–०११ प २२४६ नम्बरको मोटरसाइकल र सोही मोटरसाइकलमा सवार फुलारालाई शंका लागी चेकजाँच गर्दा उनीहरूको साथबाट १.१५ ग्राम लागूऔषध खैरो हेरोइन बरामद नियन्त्रणमा लिएको डाँगीले बताए । उनीहरूलाई नियन्त्रणमा लिई थप अनुसन्धान भइरहेको जनाइएको छ ।
प्रतिक्रिया