काठमाडौं– सुदूरपश्चिम प्रदेशका मुख्यमन्त्री कमलबहादुर शाहले विश्वासको मत पाएका छन्। आज बसेको प्रदेशसभाको बैठकले मुख्यमन्त्री शाहलाई विश्वासको मत दिएको हो।

कांग्रेसबाट मुख्यमन्त्री बनेका शाहलाई माओवादी केन्द्र, एकीकृत समाजवादी, नागरिक उन्मुक्ति पार्टी र स्वतन्त्र प्रदेश सभा सदस्य तारा जोशीले विश्वासको मत दिएका हुन्। प्रदेश सभामा उपस्थित ५२ जना प्रदेशसभा सदस्यमध्ये मुख्यमन्त्री शाहको पक्षमा ४१ मत खस्दा विपक्षमा ११ मत खसेको हो।

 एमालेका १० र  राप्रपाका एक जना सांसदले विश्वासको मत दिएनन् ।

संविधानको धारा १६८ को उपधारा २ बमोजिम मुख्यमन्त्री बनेका निवर्तमान मुख्यमन्त्री राजेन्द्र सिंह रावलले प्रदेश सभामा विश्वासको मत प्राप्त गर्न नसक्दा उनी नेतृत्वको सरकार ढलेको थियो । त्यसपछि धारा १६८ को उपधारा ३ बमोजिम मुख्यमन्त्रीमा शाह नियुक्त भएका हुन् ।