काठमाडौँ- नेपालकै सर्वोकृष्ट भोड्का, रुस्लानले भोड्का उत्पादनको आफ्नो ५० औ वर्ष पार गरेको छ । सन् १९७३ मा स्थापना भएको रुस्लानले स्थापनाकालदेखि नै उत्कृष्ट गुणस्तर कायम गर्न सफल रहँदै आएको छ । यसै अवसरमा रुस्लानले रोयल नेपाल गल्फ क्लबसँगको सहकार्यमा गल्फ प्रतियोगिता आयोजना गर्ने भएको छ ।

नेपालमै गल्फको सुरुवातकर्ता रोयल नेपाल गल्फ क्लबले पनि आफ्नो सञ्चालनको १०७ औं वर्ष मनाउँदै छ । यसै अवसरमा रुस्लान र रोयल नेपाल गल्फ क्लब दुवैै मिलेर “रुस्लान ५० औं वार्षिकोत्सव गल्फ प्रतियोगिता” आयोजन गर्न लागेका हुन् ।

जावलाखेल ग्रुप अफ इण्डष्ट्रिजका निर्देशक श्रीहर राणाले भने, “रुस्लानको पाँच दशक यात्रा र रोयल नेपाल गल्फ क्लबको १०७ औं वर्षको यात्रालाई प्रतिबिम्बित गर्दै यस गल्फ प्रतियोगिता गर्न पाउँदा हामी गौरवान्वित छौैँ । उत्कृष्टताको साथै यस ब्राण्डप्रति रहेको विश्वासलाई सदा कायम राख्ने प्रतिबद्धता व्यक्त गर्दछौँ ।’’

रुस्लान गल्फ प्रतियोगिता यही कार्तिक १७ र १८ गते रोयल नेपाल गल्फ क्लबमा आयोजना हुन गइरहेको छ । प्रतियोगितामा १३० जना रोयल नेपाल गल्फ क्लबका सदस्यहरूबीच प्रतिस्पर्धा हुनेछ । रुस्लान र रोयल नेपाल गल्फ क्लब दुवैले एकअर्कालाई प्रवर्द्धन गर्न र उत्सवको रुपमा मनाउनका लागि यस प्रतियोगिताको आयोजना गरिएको हो ।