काठमाडौँ- काठमाडौंमा जारी टी–२० विश्वकप एसिया छनोटको सेमिफाइनलमा नेपालले दोस्रो विकेट गुमाएको छ । मूलपानी क्रिकेट मैदानमा यूएईविरुद्ध जारी खेलमा नेपालका गुल्शन झा २२ रन बनाएर आउट भए ।

उनी ९ ओभर ३ बलमा बासिल हमिदको बलमा आउट भए । २४ बल खेलेका उनले तीन चौका प्रहार गरे । यूएईले नेपाललाई १३५ रनको लक्ष्य दिएको छ ।

त्यसअघि नेपालका ओपनर कुशल भुर्तेल ११ रन बनाएर आउट भएका थिए । उनी २ ओभर ६ बलमा नीलंश केशवानीको बलमा आउट भए । टस जितेर ब्याटिङ गरेको यूएईले पूरा ओभर खेल्दै ९ विकेट गुमाएर १३४ रन बनाएको हो ।

नेपालका लागि कुशल मल्लले ३, सन्दीप लामिछानेले २ र सोमपाल कामी र रोहित पौडेलले समान एक एक विकेट लिए ।

जारी खेलको विजेता टी २० विश्वकपमा छनोट हुनेछ ।