काठमाडौँ– इंग्लिस प्रिमियर लिग फुटबलमा चेल्सीले पहिलो जित निकालेको छ । गएराति भएको खेलमा फुल्हमलाई २–० गोलले हराउँदै चेल्सी विजयी भएको हो ।
चेल्सीका लागि मिखाइलो मुड्रिक र अर्मान्डो ब्रोजाले एक–एक गोल गरेका थिए ।
खेलको १८ औँ मिनेटमा मुड्रिकको गोलमार्फत चेल्सीले अग्रता लिएको थियो । उनले लेभी कोलविलको पासलाई सदुपयोग गरेका थिए ।
एक मिनेटपछि नै ब्रोजाले टोलीको अग्रता दोब्बर बनाए । त्यसपछि गोल थप गोल हुन नसक्दा चेल्सी २-० ले विजयी भयो ।
यो जितसँगै ७ खेलबाट ८ अंक जोडेको चेल्सी ११औँ स्थानमा उक्लिएको छ । पराजित भएको फुल्हम ८ अंकका साथ १३औँ स्थानमा छ ।
प्रतिक्रिया