काठमाडौँ- परराष्ट्रमन्त्री एनपी साउदले पत्रकारिता तथ्यपरक, स्वच्छ र निष्पक्ष हुनुपर्ने बताएका छन् । कार्यपालिका, व्यवस्थापिका र न्यायपालिका पछि पत्रकारिता राष्ट्रको चौथो अङ्ग भएकाले पत्रकारले स्वच्छ र निष्पक्ष भएर पत्रकारिता गर्नुपर्ने मन्त्री साउदले बताएका हुन् ।

नेपाल प्रेस युनियन कैलालीको छैठौँ जिल्ला अधिवेशनमा बोल्दै मन्त्री साउदले आस्था, विश्वास र बिचारका हिसाबले पत्रकारहरू लगाव फरक भएपनि चरित्रका दृष्टिकोणले लोकतन्त्रमाथिको पत्रकारको चिन्तनमा कुनै बेमेल नहुने बताए ।

सुदूरपश्चिममा पत्रकारिताको इतिहास धेरै लामो नभए पनि राष्ट्रिय पत्रकारितामा सुदूरपश्चिमका पत्रकारले महत्वपूर्ण योगदान पुर्‍याएको उनको भनाइ छ ।