काठमाडौं – नेकपा (एकीकृत समाजवादी)को पोलिटब्यूरो बैठक सोमबार बस्दैछ। एकीकृत समाजवादीका प्रचार विभाग प्रमुख जगन्नाथ खतिवडाका अनुसार आज बिहान ११ बजे पार्टी कार्यालयमा बैठक बस्नेछ।

दुई दिन बसेको स्थायी कमिटी बैठकले सरकारमा जाने वा नजाने तथा सरकारलाई समर्थन मात्रै गर्ने कि प्रतिपक्षमा बस्ने विषयमा कुनै निर्णय लिन नसकेपछि पोलिटब्यूरो बोलाइएको हो।

एमालेसहित सात दलको समर्थनमा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्री बनेपनि एकीकृत समाजवादीको आगामी रणनीति स्पष्ट भइसकेको छैन।

केही नेताहरुले माओवादी अध्यक्ष प्रचण्डले धोका दिएको बताएका छन् भने केही नेताले वाम शक्ति सहकार्य गरेर अगाडि बढ्नुपर्ने धारणा राख्दै आएका छन्।