काठमाडौँ– खेलाडी पलायन कम गर्न सरकारले रणनीतिक नीति तयार पार्नुपर्ने लगाएका १४ बुँदे माग राख्दै नेपाल लोकतान्त्रीक खेलकुद संघले खेलकुदमन्त्री डिगबहादुर लिम्बुलाई ज्ञापन पत्र बुझाएको छ । 

बिहीबार सिंहदरबारमा मन्त्री लिम्बुलाई ज्ञापन पत्र बुझाउदै खेलाडी पलायनबाट रोक्न खेललाई व्यवसायीक गर्दै लैजानुपर्ने, सबै विधाका खेल प्रतियोगिताको लागि वृहत कभर्ड हल बनाउनुपर्ने माग राखेका हुन् , साथै संघले खेलकुदमा भ्रष्टाचार र पेश्की फछर्यौट, राष्ट्रिय संघहरुको बेरुजुलाई अविलम्व व्यवस्थित गर्नुपर्ने जनाएको छ भने एकीकृत प्रशिक्षण स्थल र बसोबास सहित खेल सामाग्रीको व्यवस्थापन गर्नुपर्ने, राष्ट्रिय टीम तयारीलाई वर्षभरी निरन्तरता दिनुपर्ने लगायतका माग राखेका छन् । 

संघको ज्ञापन पत्र बुझ्दै मन्त्री लिम्बुले खेल क्षेत्रको विकास र बिस्तारका लागि सारेका मागहरूलाई सकारात्मक रुपमा लिएको बताए । उनले पदमा बसुन्जेल इमान्दारितापूर्वक खेल क्षेत्रको विकासका लागि काम गर्ने प्रतिवद्धता जनाए ।

ज्ञापन पत्र बुझाउदै संघका अध्यक्ष देवेन्द्र कुमार शेरचनले पदावधि सकिएका खेल संघहरुको निर्वाचन अविलम्व गर्नुपर्ने, भ्रष्टाचारमा लुप्त राष्ट्रिय खेलकुद परिषद्का पदाधिकारी र सदस्यहरूलाई बर्खास्त गर्नुपर्ने बताए ।