काठमाडौँ- एसीसी प्रिमियर लिगको फाइनल खेलमा यूएईविरुद्ध नेपालले टस जितेर पहिला बलिङ रोजेको छ ।
त्रिवि क्रिकेट मैदानमा नेपालले टस जितेर बलिङ रोजे पछि युएईले पहिले ब्याटिङ गर्दैछ ।
आजको खेलमा नेपालले टिममा एक परिवर्तन गरेको छ । दीपेन्द्रसिंह ऐरीलाई बेन्चमा राख्दै उनको स्थानमा गुलसन झालाई प्लेइङ ११ मा ल्याइएको छ ।
केहीदिनदेखि जारी वर्षाले आजको खेल पनि अवरुद्ध हुने सम्भावना छ । तर, आज पुरै खेल हुने अवस्था नदेखिए भोलि फाइनलका लागि रिजर्भ डे राखिएको छ ।
आजको खेलमा यूएईलाई पराजित गरे नेपालले आगामी सेप्टेम्बरमा पाकिस्तानमा आयोजना हुने एसिया कपमा स्थान बनाउनेछ ।
प्रतिक्रिया