बैतडीमा ४० वर्षीय पुरुष मृत फेला

१८ बैशाख २०८०, सोमबार

पढ्न लाग्ने समय : < 1 मिनेट

सांकेतिक तस्बिर

धनगढी – बैतडीमा घाँटीमा पासो लगाएको अवस्थामा एक पुरुषको शव फेला परेको छ।

पाटन नगरपालिका-६ पैराड बस्ने ४० वर्षीय मदन राम पहरी घर भन्दा ३० मिटर टाढा भिमलको रुखमा जुटको डोरीले पासो लगाई झुण्डीको अवस्थामा फेला परेका हुन्।

मृतक पहरीकी श्रीमती धाना पहरीले फोनमार्फत जानकारी गराएपछि प्रहरी सहायक निरीक्षक नरेन्द्र राज भट्टराईको कमाण्डमा ५ जनाको टोली घटनास्थल पुगेको थियो।

शव जाँचका लागि मुचुल्का उठाई शव पोस्टमार्टमको लागि प्राथमिक स्वास्थ्य केन्द्र पाटनमा राखिएको बैतडी प्रहरीले जानकारी दिएको छ।

प्रकाशित मिति : १८ बैशाख २०८०, सोमबार ८ : १८ बजे

प्रतिक्रिया