सुदूरपश्चिम एमाले दलको नेतामा रावल‍ चयन

१६ पुस २०७९, शनिबार

पढ्न लाग्ने समय : < 1 मिनेट

धनगढी – नेकपा एमालेको सुदूरपश्चिम प्रदेशसभा संसदीय दलको नेतामा राजेन्द्र रावल चयन भएका छन्।

शनिबार बसेको बैठकले रावललाई दलको नेता चयन गरेको हो। कञ्चनपुरका रावल समानुपातिकतर्फबाट प्रदेश सभा सदस्य भएका हुन्।

उनी पार्टीको पोलिट्ब्युरो सदस्य तथा सुदूरपश्चिम सहइन्चार्जसमेत हुन्। सुदूरपश्चिममा एमालेका १० सांसद छन्।

एमाले केन्द्रीय सचिव तथा प्रदेश इञ्चार्ज लेखराज भट्टको प्रमुख आथित्यतामा दलको बैठक बसेको थियो ।

प्रकाशित मिति : १६ पुस २०७९, शनिबार १० : ५६ बजे

प्रतिक्रिया