काठमाडौँ– प्रि सिजन टुर अन्तर्गतको मैत्रीपूर्ण खेलमा आर्सनलले सेभियाविरुद्ध फराकिलो जित हात पारेको छ ।

इमिरेट्स स्टेडियममा शनिबार भएको खेलमा आर्सनलले स्पेनिस क्लब सेभियालाई ६–० गोल अन्तरले हराएको हो।

आर्सनललाई जित दिलाउन ग्राबियल जिससले ह्याट्रिक गरे । बुकायो साका र एड्डी एनकेटिह नाममा एक एक गोल रह्यो ।

खेलको दशौँ मिनेटमा साकाले पेनाल्टीमा गोल गर्दै आर्सनललाई अग्रता दिलाएका थिए ।खेलको १३ औं मिनेटमा जिससले गोल गर्दै आर्सनललाई २-० को अग्रता दिलाए ।

१५ औं मिनेटमा जिससले व्यक्तिगत दोस्रो गोल गर्दै टिमको अग्रता तेब्बर बनाए ।खेलको १९ औं मिनेटमा साकाले व्यक्तिगत दोस्रो गोल गर्दै आर्सनललाई ४-० को अग्रता दिलाए ।

खेलको ७७ औं मिनेटमा जिससले ह्याट्रिक पूरा गर्दा आर्सनल ५-० ले अघि रह्यो ।  खेलको ८८ औं मिनेटमा एड्डीले गोल गर्दै आर्सनललाई ६- ० को जित दिलाए ।