काठमाडौँ– नेपाली कांग्रेसले वैशाख ३० गते हुने स्थानीय तह निर्वाचनलाई लक्षित गर्दै देशका विभिन्न स्थानमा आमसभा गर्ने जनाएको छ ।
कांग्रेसले सातै प्रदेशमा आमसभा गर्ने भएको हो ।
कांग्रेस स्थानीय तह निर्वाचन केन्द्रीय परिचालन समितिको निर्णयअनुसार देशका विभिन्न सात स्थानमा आमसभा गरिने कांग्रेसका मुख्य सचिव कृष्ण पौडेलले बताए । सबै सभाहरूको संयोजन पार्टीको सम्बन्धित जिल्ला कार्यसमितिहरूले गर्ने छन् ।
जसअनुसार वैशाख २१ गते मोरङ, २२ गते धनुषा, २३ गते काठमाडौँ, २४ गते कास्की, २५ गते रुपन्देही, २६ गते सुर्खेत र २७ गते कैलालीमा आमसभा गरिने नेपाली कांग्रेसले जनाएको छ ।
प्रतिक्रिया