जनकपुरधाम– कुर्था–जयनगर रेल सेवाको शनिबार उद्घाटन हुने भएको छ ।
प्रधानमन्त्री शेरबहादुर देउवा र भारतका प्रधानमन्त्री नरेन्द्र मोदीले संयुक्त रूपमा रेलको उद्घाटन गर्न लागेका हुन् ।
उनीहरूले भर्चुअल रूपमा रेल उद्घाटन गर्ने बुझिएको छ ।
प्रधानमन्त्री देउवा भारत भ्रमणमा रहेका बेला रेलको उद्घाटन हुने भएको हो ।
उनी शुक्रबार तीनदिने भ्रमणका लागि भारत जाँदै छन् ।
यसअघि, रेल्वे कम्पनीका महाप्रबन्धक निरञ्जन झाले फागुन १० गतेभित्र रेलको उद्घाटन हुने दाबी गरेका थिए ।
गत वर्ष असोज २ गते भारतबाट नेपाल ल्याइएको रेल करिब १७ महिनासम्म त्यतिकै थन्काएर राखिएको थियो ।
कम्पनीले फागुन १ गतेदेखि एक दिन बिराएर बिनायात्रु (ड्राई रेल) चलाउँदै आएको छ ।
प्रतिक्रिया