काठमाडौँ- भारतीय प्रधानमन्त्री नरेन्द्र मोदी आफ्नी आमा हिराबेन मोदीको स्वास्थ्यस्थितिबारे जानकारी लिन गुजरात राज्यको अहमदाबादस्थित यूएन मेहता मुटुरोग तथा अनुसन्धान केन्द्र पुगेका छन् ।
प्रधानमन्त्रीकी आमालाई हिजो उपचारार्थ केन्द्रमा भर्ना गरिएको हो । हिराबेन मोदीको स्वास्थ्य अवस्था स्थिर रहेको केन्द्रले आज एक विज्ञप्तिमार्फत् जानकारी दिएको छ ।
हालै सम्पन्न गुजरात विधानसभा चुनावका बेला प्रधानमन्त्री मोदीले एक सय वर्षकी आमालाई भेटेका थिए । प्रधानमन्त्रीकी आमाले चुनावको दोस्रो चरणमा मतदान पनि गरेकी थिइन् ।
प्रतिक्रिया