काठमाडौँ – नेकपा एमालेका अध्यक्ष केपी शर्मा ओली चार दिनसम्म झापामा रहने भएका छन्।

आगामी ४ मंसिरको निर्वाचनको तयारीका लागि अध्यक्ष ओली चार दिनसम्म झापामा रहने भएका हुन्। जसअनुसार आफ्नो निर्वाचन क्षेत्रसहितका १३ वटा स्थानीय तहमा ओलीले सहभागिता जनाउने कार्यक्रम रहेको छ।

अध्यक्ष ओलीले आज क्षेत्र नं ५ को दमकमा आयोजना हुने दुई वटा कार्यक्रमलाई सम्बोधन गर्ने कार्यक्रम रहेको छ। अपराह्न ४ बजे क्याम्पस मोड दमकस्थित पशुपति मन्दिरमा वडा नं ६ र ७ का मतदाताहरुसँग अन्तरक्रिया गर्नेछन्। त्यस्तै अर्को भेटघाटको कार्यक्रम रहेको छ।

१४ कात्तिक बिहान ११ बजे कमल गाउँपालिकाको क्याम्पा बजारमा आयोजना हुने भेलालाई सम्बोधन गरेर अध्यक्ष ओली काठमाडौं फर्कने कार्यक्रम रहेको छ।