काठमाडौं । इंग्लिस प्रिमियर लिग फुटबलमा टोटेनहमले नटिङघम फरेस्टलाई पराजित गरेको छ । आइतबार राति भएको खेलमा टोटेनहमले नटिङघम फरेस्टलाई २–० गोल अन्तरले हराएको हो ।
टोटेनहमलाई जित दिलाउन ह्यारी केनले दुई गोल गरे ।खेलको पाँचौं मिनेटमा केनले गोल गर्दै टोटेनहमलाई अग्रता दिलाएका थिए ।
खेलको ५६ औं मिनेटमा पाएका पेनाल्टीमा केन गोल गर्न चुके । उनको प्रहार फरेस्टका गोलकिपर डिन हेण्डरसनले उत्कृष्ट बचाउ गरे । खेलको ८१ औं मिनेटमा केनले व्यक्तिगत दोस्रो गोल गर्दै टोटेनहमलाई २– ० को जित दिलाए ।
यस जितसँगै टोटेनहमले ४ खेलमा १० अंक जोडेको छ ।टोटेनहम तेस्रो स्थानमा रहेको छ ।
प्रतिक्रिया