काठमाडौँ – आज २०७९ साल भदौ १२ गते आइतबार । सन् २०२२ को अगस्ट २८ तारिख । आजको दिन इतिहासमा भएका मुख्य केही घटनाक्रम यस्ता छन् : 

सन् २०१२ अगस्ट २८ मा अमेरिकी रिपब्लिकन अधिवेशनले मिट रोमनीलाई पार्टीको राष्ट्रपति उम्मेदवारमा चयन गरेको थियो ।

सन् २००५ अगस्ट २८ मा क्याट्रिना नामक तुफान श्रेणी-५ को शक्तिमा पुग्यो । न्यूओलियन्समा लुइसियाना सुपरडोमलाई ‘अन्तिम उपायको शरण’ को रुपमा खुल्ला गरिएको थियो ।

सन् २००३ अगस्ट २८ मा इङ्ल्याण्डको दक्षिणपूर्वी क्षेत्रमा ‘पावर ब्ल्याक आउट’ हुँदा ५ लाख मानिसलाई असर पुर्‍याएको थियो । साथै लन्डनको कूल भूमिगत रेलको ६० प्रतिशत रेल रोकिएका थिए ।

सन् १९९३ अगस्ट २८ मा चीनको उत्तरपश्चिमी क्षेत्र चिनहुवानमा ड्याम भत्किँदा २ सय २३ जनाको मृत्यु भएको थियो ।

सन् १९८३ अगस्ट २८ मा इजरायली प्रधानमन्त्री मनाकम बिगिनले उनको राजीनामा घोषणा गरेका थिए ।

सन् १९६३ अगस्ट २८ मा मार्टिन लुथर किङ्गले ‘आई ह्याभ अ ड्रिम’ नामक प्रसिद्ध भाषण दिएका थिए । संयुक्त राज्य अमेरिकामा रंग भेदको अन्त्य गर्न दिइएको यस ऐतिहासिक भाषण लिंकन मेमोरियलको अगाडि दिइएको थियो ।

सन् १९६३ अगस्ट २८ मा ‘एभरग्रीन ब्रिज’ ट्राफिक प्रायोजनको लागि खोलिएको थियो । वासिङ्टन तालको माथि बनेको सो पुलले सिएटल र मदिना सहरलाई जोड्दछ । वासिङ्टन प्रान्तको रुट ५२० मा पर्ने सो पुल विश्वको सबैभन्दा लामो तैरिरहेको पुल हो ।

सन् १९५५ अगस्ट २८ मा अफ्रिकी–अमेरिकी १४ वर्षीय किशोर एम्मेट टिलको क्रुर तरिकाले हत्या भएको थियो । हत्या हुनुभन्दा ४ दिनअगाडि टिललाई एक गोरा जातिका महिलालाई जिस्काएको आरोप लगाइएको थियो ।

सन् १९३७ अगस्ट २८ मा टोयोटा मोटर कर्पोरेसनको स्थापना भएको थियो । सन् १९३३ मा टोयोडा अटोमेटिक लूम वर्कस् लिमिटेडको एक सहायक संस्थाका रुपमा यस कार कम्पनीको स्थापना भएको थियो ।

सन् १८४५ अगस्ट २८ मा ‘साइन्टिफिक अमेरिकन’ नामक म्यागेजिनको पहिलो अंक प्रकाशन भएको थियो । सो म्यागेजिन साप्ताहिक समाचारपत्रको रुपमा सुरु गरिएको थियो । अहिले संयुक्त राज्य अमेरिकाको लगातार प्रकाशन भइरहेको सबैभन्दा पुरानो यो म्यागेजिनको रुपमा यसलाई चिनिन्छ ।