काठमाडौँ– प्रत्येक नेपालीको थाप्लोमा ६३ हजार ३ सय १० रुपैयाँ ऋण परेको छ ।
आज शनिवार प्रतिनिधिसभाको बैठकमा पेश भएको आर्थिक वर्ष २०७८/७९ को आर्थिक सर्वेक्षणले यस्तो देखाएको हो ।
सर्वेक्षण अनुसार हाल नेपालको सार्वजनिक ऋण १८ खर्ब ४८ अर्ब रुपैयाँ पुगेको छ । गत आर्थिक वर्षमा यस्तो ऋण १७ खर्ब ३७ अर्ब पुगेको सर्वेक्षणले देखाएको थियो ।
गत आर्थिक वर्षको भन्दा २०७८ को फागुनसम्मको सर्वेक्षणले पहिलेको तुलनामा यो आर्थिक वर्षमा ६.३९ प्रतिशत ऋण बढेको हो ।
२०७८ को जनगणना अनुसार नेपालको जनसंख्या २ करोड ९१ लाख पुगेको छ । यसरी हेर्दा यो आर्थिक वर्षमा नेपालीको थाप्लोमा अझ बढी ऋण बाेकाइएको देखिएको हो ।
प्रतिक्रिया