काठमाडौँ– सहरी विकास मन्त्री रामकुमारी झाँक्रीले अधिकांश पूर्वाधार आयोजना अलपत्र पर्नुको पछाडि अदालतमा पर्ने मुद्दा प्रमुख कारण रहेको बताएकी छन् । शुक्रबार नयाँ सहर, स्मार्ट सिटी, करिडोर सिटी, सहरी नीतिलगायतका विषयमा पत्रकारलाई जानकारी गराउन मन्त्रालयले आयोजना गरेको कार्यक्रममा उनले यस्तो बताएकी हुन् ।

सहरी विकास मन्त्री झाँक्रीले निजगढ विमानस्थल नबनाउनको लागि धेरै वटा अदृश्य स्वार्थले काम गरेको बताइन । 

यस आयोजना बन्न नदिने तत्त्वहरू धेरै रहको उनले बताए पनि ती पर्वहरू को हुन भन्ने समेत उनले खुलाइनन् । ती तत्वहरूले वातावरण, सुकुम्बासीको चर्का कुरा गर्ने गरेको बताइन । ‘विमानस्थल बनाउने वा नबनाउने भन्ने विषय भिडले होइन, जनताले भोट हालेका प्रतिनिधिले निर्णय गर्नुपर्छ’ उनले भनिन् । फास्ट  ट्र्याक र निजगढ विमानस्थल निर्माणको विषय अन्योन्याश्रित भएको समेत उनले उल्लेख गरेकी छिन् ।