नयाँ दिल्ली –भारतका नवनियुक्त प्रधानन्यायाधीश उदय उमेश ललितले सपथ ग्रहण गरेका छन्।

तत्कालीन प्रधानन्यायाधीश एनभी रमणले अवकाश पाएको भोलिपल्ट उहाँले शनिबार बिहान सपथ ग्रहण गरेका हुन् ।

उहाँलाई राष्ट्रपति द्रौपदी मुर्मुले राष्ट्रपति भवनमा सपथ गराएक थिए । उनी भारतको ४९ औँ प्रधानन्यायाधीश बनेका छन् ।

उहाँको कार्यकाल आगामी नोभेम्बर ८ सम्म मात्रै रहने भएको छ । झण्डै तीन महिने कार्यकालमा उहाँले तीन कामलाई प्राथमिकता दिने बताए ।

अवकाश प्राप्त प्रधानन्यायाधीशलाई बिदाई गर्न आयोजित कार्यक्रममा नवनियुक्त प्रधानन्यायाधीश ललितले मुद्दालाई सरलीकृत गर्ने, छिटो छिटो टुङ्ग्याउने र पारदर्शी बनाउने जानकारी दिएका थिए ।

उनी न्यायाधीश हुनु अघि भारतमा चर्चित अधिवक्ता थिए । अधिवक्ता मध्येबाट न्यायाधीश हुँदै प्रधानन्यायाधीश हुने उनी दोस्रो व्यक्ति हुन् ।