हेटौँडा– मकवानपुर प्रहरीले दुईवटा हराएको मोटरसाइकल फेला पारेर सम्बन्धित धनीलाई बुझाएको छ ।
हेटौँडा १० का ५८ वर्षीय भवनाथ भट्टराईको १३ वैशाखमा आफ्नै घरबाट हराएको ना.६३ प २१६ नम्बरको मोटरसाइकल हेटौँडा-१ चौकीटोलमा फेला पारी सम्बन्धित धनीलाई बुझाइएको जिल्ला प्रहरी कार्यालय मकवानपुरका प्रहरी नायब उपरीक्षक टेक बहादुर कार्कीले जानकारी दिए ।
त्यसैगरी हेटौँडा-१० का ४५ वर्षीय खड्क सिं वाईवाको मोटरसाइकल १३ वैशाखमा हराएको थियो । हेटौँडा-४ मा पार्किङ गरेर राखेको बा.प्र- ०३–००५ प ३११७ नम्बरको मोटरसाइकल हेटौँडा-२ मा फेला पारी सम्बन्धित धनीलाई बुझाइएको मकवानपुर प्रहरीले जनाएको छ ।
प्रतिक्रिया