काठमाडौँ- रोजगारीका लागि क्रोएसिया पठाइदिन्छु भन्दै रकम ठगी गर्ने एक जना पक्राउ परेका छन्। पक्राउ पर्नेमा धनकुटास्थायी घर भई हाल काठमाडौँको भिमसेनगोला बस्ने ३८ वर्षीय शान्तकुमार देवान रहेका प्रहरीले जनाएको छ।

उनले रोजगारीका लागि क्रोएसिया पठाइदिन्छु र राम्रो काम लगाइदिन्छु भन्दै गोकुल भण्डारीसँग दुई लाख रुपैयाँ ठगी गरेका थिए।

वर्किङ भिसामा क्रोएसिया जानको लागि प्रतिव्यक्ति सात लाख रुपैयाँ लाग्ने र क्रोएसिया पुगेपछि प्रतिष्ठित अटाेमाेबाइल कम्पनीमा काममा लगाइदिने र मासिक एक लाखसम्म तलब हुने प्रलोभन देखाइ उनले सो रकम ठगेका थिए।

उनलाई थप अनुसन्धान तथा कारबाहीको लागि वैदेशिक रोजगार विभाग बुद्ध नगर पठाएको प्रहरीले जनाएको छ।