काठमाडौँ – राष्ट्रिय प्रजातन्त्र पार्टी, नेपालका अध्यक्ष कमल थापाले काठमाडौं महानगरपालिकाका प्रमुख बालेन्द्र शाहको प्रशंसा गरेका छन् ।
काठमाडौं महानगरपालिका भित्र बनेका अवैध घर टहरा भत्काउन शाह सक्रिय भएपछि थापाले उनको प्रशंसा गरेका हुन् । ‘अवैध संरचना भत्काउने र देशको राजधानी काठमाडौंलाई सफा सुन्दर र स्वच्छ बनाउने मेयर बालेन्द्र शाहको प्रयास प्रशंसनीय छ,’ थापाले आज सामाजिक सञ्जाल ट्वीटरमा लेखेका छन् ।
शाहको कार्यले तत्काल केही असुविधा भए पनि दीर्घकालमा सबैलाई फाइदा हुने उनले बताएका छन् । ‘तत्काल केही असुविधा भए पनि यसको दीर्घकालमा सबैलाई फाइदा हुन्छ । यस कार्यमा सबैले सहयोग गरौं,’ थापाले भनेका छन् ।
प्रतिक्रिया