काठमाडौं– एकजना कश्मीरी महिला वैज्ञानिकले भारतको प्रतिष्ठित ‘साइन्स एण्ड इन्जिनियरिङ रिसर्च बोर्ड (सर्ब–पावर) छात्रवृत्ति पाएकी छिन् ।

डा. नशीमन अशरफ सर्ब–पावर छात्रवृत्ति पाउने पहिलो कश्मीरी महिला वैज्ञानिक रहेको कश्मीरबाट प्रकाशित हुने राइजिङ कश्मीर अनलाइनले जनाएको छ । उनलाई जीवविज्ञान विषयमा छात्रवृत्ति दिइएको जनाइएको छ ।

यसअघि उनले सीएसआईआर रमन रिसर्च फेलोसिप नामक छात्रवृत्ति मार्फत अमेरिकाको केन्टकी विश्वविद्यालय तथा ईएमबीओ फेलोसिप मार्फत स्पेनमा अध्ययन गरिसकेकी छिन् ।

उनको शोध विशेषगरी केशरको सुधारको विषयमा केन्द्रित रहेको जनाइएको छ ।

कश्मीरमा केशरलाई महत्वपूर्ण नगदेबाली मानिन्छ । उनको जन्म जम्मु कश्मीरको राजधानी श्रीनगरमा भएको बताइएको छ ।