चितवन– नेपाली कांग्रेस चितवनका नेता एवं पूर्वसांसद जगन्नाथ पौडेलले भरतपुर महानगरपालिकाको मेयरमा उम्मेद्वारी घोषणा गरेका छन् ।
कांग्रेस चितवनको असन्तुष्ट पक्षका तर्फबाट उनले मेयरमा उम्मेद्वारी दिने घोषणा गरेका हुन् ।
कांग्रेस महासमिति सदस्य मिना खरेलको प्रस्ताव र पूर्वसांसद भीमबहादुर श्रेष्ठको समर्थनमा पौडेलले मेयरमा उम्मेद्वारी दिने घोषणा गरेका हुन् ।
उम्मेद्वारी घोषणाका लागि असन्तुष्ट पक्षको आज जिल्ला पार्टी कार्यालयमा भेला भएको थियो ।
भरतपुरको मेयर माओवादी केन्द्रलाई दिने निर्णय भएपछि जिल्लाका नेता कार्यकर्ताहरूले विरोध जनाउँदै आएका थिए । पौडेलले भोलि मनोनयन दर्ता गर्ने तयारी गरेका छन् ।
प्रतिक्रिया