काठमाडौँ– प्रतिनिधिसभाको बैठकमा बिहीबार बस्दैछ ।

यो बैठकमा एमसीसीको विषयमा छलफल गर्ने सम्भावित कार्यसूची रहेको छ ।

संसद् सचिवालयले जारी गरेको सम्भावित कार्यसूचीअनुसार बिहीबारको बैठकमा अर्थमन्त्री जनार्दन शर्माले एमसीसी सम्झौतामाथि सामान्य छलफल गरियोस् भन्ने प्रस्ताव गर्नुपर्ने छ ।

तर, अर्थमन्त्री शर्मा यो बैठकलाई छल्न एउटा कार्यक्रम सहभागी हुन उपत्यका बाहिर गएका छन् ।

शर्मा पर्वत उद्योग वाणिज्य संघको बिहीबार हुने साधारणसभामा सहभागी हुन कुश्मा पुगेका हुन् ।

भोलिको संसद बैठकका दुई सम्भावित कार्यसूचीमध्ये एक कानुन, न्याय तथा संसदीय मामिला मन्त्री दिलेन्द्र बढुले महान्यायाधिवक्ताको वार्षिक प्रतिवेदन पेस गर्ने र दोस्रोमा एमसीसी सम्झौताबारेको छलफल गर्ने रहेका छन् ।

जसलाई संसद बैठकमा अर्थमन्त्री जनार्दन शर्माले पेस गर्ने सम्भावित कार्यसूचीमा जनाइएको छ ।

यसअघि, आइतबार पनि उनले संसदमा एमसीसी टेबल गर्नुपर्ने थियो । तर, अर्थमन्त्री भएका कारण एमसीसी टेबल गर्नुपर्ने भएपछि उनी बैठकमा उपस्थित नै भएनन् ।

उनी उपस्थित नभएपछि सञ्चार तथा सूचना प्रविधिमन्त्री ज्ञानेन्द्रबहादुर कार्कीले संसदमा एमसीसी टेबल गरेका थिए ।

उनको दलले एमसीसी पास गर्न नसकिने निर्णय गरेको छ भने एकीकृत समाजवादीले पनि त्यस्तै निर्णय गरेको छ ।