काठमाडौँ– एनएमबि बैंक लिमिटेडले युवाहरूलाई डिजिटाइजेसन, बचत र लगानीतर्फ प्रोत्साहित गर्न नयाँ बचत खाता “NMB You-Wah! Digi Savings” ल्याएको छ ।

१८ देखि ४० वर्ष उमेर समूहका सबै नेपाली (युवा) नागरिकले यो खाता खोल्न सक्ने बैंकले बुधबार विज्ञप्ति जारी गरी जानकारी दिएको छ ।

एनएमबि बैंकले यो खाताअन्तर्गत शून्य मौज्दातमै उच्च ब्याजदर प्रदान गर्नुका साथै मेरो सेयर, डिम्याट र आस्वा निःशुल्क उपलब्ध गराउने पनि जनाएको छ ।

त्यसैगरी यस योजनाअन्तर्गत बैंकले एनएमबि ओम्नी च्यानल बैंकिङ्ग, एनएमबि क्रेडिट कार्ड र एनएमबि डलर कार्ड (साथै डलर टप–अप) मानिःशुल्क सुविधासहित

डिजिटल कारोबारमा निःशुल्कअन्तर बैंक फण्ड ट्रान्सफर (ABBS) र वार्षिक १,२०० सम्मको क्यास ब्याक योजना जस्ता आकर्षक लाभहरू पनि उपलब्ध गराउने छ ।

यसका अतिरिक्त बैंकले उच्च शिक्षामा जान चाहने विद्यार्थीहरूलाई शैक्षिक ऋणको प्रशासनिक शुल्कमा २५% छुट पनि उपलब्ध गराउने जनाएकोे छ ।

एनएमबि बैंकले हाल देशभरि २०१ शाखा, १३९ एटीएमहरू, ९ एक्सटेन्सन काउन्टरमार्फत् सेवा प्रदान गर्दै आएको छ ।