काठमाडौँ– भारतीय वायुसेनाले सुखोई सु ३० लडाकु विमानमा नयाँ क्षेप्यास्त्र जडान गर्ने भएको छ । वायुसेनाले उक्त लडाकु विमानमा आकाशबाट जमिनमा २५० किलोमिटर टाढासम्म मार हान्न सक्ने नयाँ क्षेप्यास्त्र जडान गर्ने भएको भारतीय समाचार संस्था एएनआईले जनाएको छ ।

भारतीय वायुसेनाले आपतकालिन प्रबन्धअन्तर्गत ती क्षेप्यास्त्र प्राप्त गरेको हो । ती क्षेप्यास्त्र आगामी २० वर्षसम्म प्रयोगमा आउने एएनआईले जनाएको छ ।

सन् २०१९ मा पाकिस्तानको बालाकोटमा भारतीय सेनाले सञ्चालन गरेको कारवाहीजस्तै यस क्षेप्यास्त्रबाट दुश्मनको सैनिक शिविर र आतंककारी संरचनामा हमला गर्न सहयोग पुग्ने जनाइएको छ ।

यसबाहेक भारतीय वायुसेनाले सुखोई सु ३० को स्तरोन्नतीको पनि तयारी गरिरहेको एएनआईले उल्लेख गरेको छ । हाल भारतीय वायुसेनामा २६० सुखोई सु ३० सेवारत छन् ।