मकवानपुर – मकवानपुरको बागमती गाउँपालिका–५ को झुरझुरेमा ट्रकले अटोलाई ठक्कर दिँदा एक जनाको मृत्यु भएको छ भने तीन जना घाइते भएका छन्।
फापरबारीतर्फ आउँदै गरेको ना१ह ५८५५ नं को अटो र विपरीत दिशाबाट गुडिरहेको बागमती प्रदेश ०३–१००१ क ४१३ नं को ट्रक एकापसमा ठोक्किदा बागमती गाउँपालिका–८ बस्ने वर्ष ५८ का रामबहादुर गोलेको मृत्यु भएको प्रहरीले जनाएको छ।
बागमती नदीमा शव दाहसंस्कार गरी फर्केका मलामी चढेको अटोलाई ट्रकले ठक्कर दिँदा अटो चालकसहित तीन जना यात्रु घाइते भएका छन्। जिल्ला प्रहरी कार्यालयका अनुसार घाइते तीन जनाको हेटौँडाको चुरेहिल अस्पतालमा उपचार भइरहेको छ।
प्रतिक्रिया