काठमाडौँ– अध्यादेशमार्फत तत्कालीन केपी शर्मा ओलीको पालामा संवैधानिक निकायमा ५२ पदाधिकारीहरूको नियुक्तिसम्बन्धी मुद्दामा सक्कल प्रति झिकाउने आदेश भएको छ।

संवैधानिक निकायका पदाधिकारीहरूको नियुक्तिसम्बन्धी कागजातको सक्कल प्रति नआएपछि इजलासले राष्ट्रपति कार्यालयलाई नियुक्तिसम्बन्धी मुद्दामा सक्कल प्रति झिकाउन आदेश दिएको छ।

रिटको सुनुवाइ गर्दै कायम मुकायम प्रधानन्यायाधीश दीपककुमार कार्की, न्यायाधीशहरू हरिकृष्ण कार्की, विश्वम्भरप्रसाद श्रेष्ठ, ईश्वरप्रसाद खतिवडा र अनिलकुमार सिन्हा रहेको संवैधानिक इजलासले राष्ट्रपति कार्यालयबाट सक्कल प्रति झिकाउन आदेश दिएको हो।

तत्कालीन प्रधानमन्त्री केपी शर्मा ओली नेतृत्वको सरकारले २०७७ मंसिर ३० मा संवैधानिक परिषद्सम्बन्धी अध्यादेश जारी गरेपछि संवैधानिक परिषद्को बैठक राखेर ५२ जना संवैधानिक पदाधिकारीको नियुक्तिका लागि राष्ट्रपति समक्ष सिफारिस गरेको थियो।

प्रतिनिधि सभा विघटन भएको बेला संसदीय सुनुवाइ नै नभई नियुक्त भएको भन्दै खारेजीको माग गर्दै सर्वोच्च अदालतमा रिट निवेदन गर्दा गरिएको थियो ।