काठमाडौँ- भारतीय सेनाको उत्तरी कमाण्डलाई कल्याणी एम ४ बख्तरबन्द गाडी प्रदान गरिएको छ । जम्मु कश्मीरमा तैनाथ भारतीय सेनाको उत्तरी कमाण्डलाई कल्याणी एम ४ बख्तरबन्द गाडी प्रदान गरिएको भारतबाट प्रकाशित हुने इकोनोमिक टाइम्सको अनलाइन संस्करणले जनाएको छ ।
भारतमै निर्मित यस बख्तरबन्द गाडीले सबै किसिमको भूभागमा कार्य गर्न सक्ने जनाइएको छ ।
यसमा धरापको विष्फोटबाट जोगिन सक्ने क्षमता रहेको एवम् यसले ५० किलो आईइडी र १० किलो टीएनटीको विष्फोटसम्म थेग्न सक्ने इकोनोमिक टाइम्सले जनाएको छ ।
भारतको कल्याणी समूहले भारतमा नै निर्माण गरेको यो बख्तरबन्द गाडीलाई सेनामा प्रवेश गराउनुअघि लद्दाखमा परीक्षण गरिएको बताइएको छ ।
प्रतिक्रिया