काठमाडौँ – नेकपा माओवादी केन्द्रका अध्यक्ष प्रचण्ड र पूर्वप्रधानमन्त्री डा. बाबुराम भट्टराईबीच आज (बिहीबार) पुन: भेटवार्ता हुने भएको छ।

जनता समाजवादी पार्टी (जसपा) ले कारबाही गरेपछि भट्टराईले प्रचण्डसँग आज दोस्रो भेट गर्न लागेका हुन् । मंगलबार सिंहदरबारस्थित माओवादीको संसदीय दलको कार्यालयमा उनीहरुबीच एक घण्टा छलफल भेटवार्ता भएको थियो।

भट्टराईले नयाँ पार्टी खोल्ने या माओवादीमा समाहित हुने भन्नेमा छलफल भइरहेको नेताहरुले बताएका छन् । सोही दिन प्रचण्डले तत्कालीन नेकपाका सचिवालय सदस्यहरू प्रचण्डले माधवकुमार नेपाल, झलनाथ खनाल, वामदेव गौतम र नारायणकाजी श्रेष्ठसँग छलफल गरेका थिए।

त्यसअघि पनि उपराष्ट्रपति नन्दबहादुर पुन निवासमा प्रचण्ड-बाबुरामबीच छलफल भएको थियो।