काठमाडौँ- पछिल्लो समय नेपालमा रियालिटी शोहरु निर्माण हुने क्रम बढ्दो छ । यस्ता शोमा विशेषत कलाकर्मीकै उपस्थिति देखिने गरेको छ । गायन, डान्सिङसँगै पछिल्लो समय नेपालमा एडभेन्चर शो पनि बढ्दो छ । यस्तै एउटा नयाँ शो सुरु हुने भएको छ । नयाँ एडभेन्चर शोलाई अभिनेता अनुप विक्रम शाहीले होस्ट गर्ने भएका छन् ।

उनले होस्ट गर्न लागेको शोको निर्देशक सौगातमान सिंह बस्नेत रहेका छन् । विभिन्न पर्यटन सम्बन्धी यात्रा गराउने उदेश्य रहेको शो देश तथा विदेशमा समेत प्रस्तुत गर्ने उदेश्यले अंग्रेजी र नेपाली दुबै भाषामा निर्माण हुनेछ ।

शोको पहिलो चरणमा ५ भाग निर्माण हुनेछ । यी भागमा ‘आइल्यान्ड पिक’, ‘हुम्ला’, ‘मनाङ एण्ड मुस्ताङ (बाइक राइड)’, ‘रोयल ट्रिप वीथ माउन्टेन फ्लाइट’, ‘दुर्गम क्षेत्रको लोकेसन प्रमोट’का बिषय समेटिने शोका निर्देशक सौगातमान सिंह बस्नेतले बताए ।

स्टुडियो कृयो र ब्रान्डल्याण्डसरको सहकार्यमा ट्रेकिङ टिमको प्रस्तुति रहेको शोको नाम छिट्टै एक औपचारिक कार्यक्रम मार्फत गर्ने बताइएको छ । ‘शोमा थुप्रै पिकहरु चढ्ने र अन्तिम भागमा सगरमाथासम्मको आरोहण गराउने उदेश्य हाम्रो रहेको छ’ सौगातले थपे ‘इन्टरनेशनल टुरको कल्चर शोको समेत प्लानिङ भइरहेको छ ।’