अर्घाखाँची – सुपा देउराली मन्दिर सञ्चालक समितिको नेतृत्वमा नेपाली काँग्रेस र नेकपा एमालेले राजनीतिक भागबन्डा गरेका छन् ।

केही दिन अघि सम्पन्न अधिवेशनमा डेढ-डेढ वर्ष नेतृत्व गर्ने गरी नेतृत्व टुङ्ग्याइएको थियो। कार्य समितिमा समेत दुई दलले पदाधिकारीसहित सदस्य बाँडेका छन् ।

दुई नगरपालिकाको सीमामा रहेको मन्दिरमा सन्धिखर्क नगरपालिका वडा नं. ७ र शितगंगा नगरपालिकाको वडा नं. २ का स्थानीयवासीले नेतृत्व लिँदै आएका छन् ।

एमालेका फर्सबहादुर केसीले डेढ वर्ष मन्दिर सञ्चालक समितिको नेतृत्व गरेपछि काँग्रेसका गणेश थापाले बाँकी समय नेतृत्व गर्नेछन् ।

समितिको नेतृत्वसहित उपाध्यक्ष, सचिव, सहसचिव र ५ सदस्य गरी ९ जनाले नेकपा एमालेबाट प्रतिनिधित्व गर्नेछन् भने कोषाध्यक्ष र ५ सदस्य सहित ६ जना नेपाली काँग्रेसको तर्फबाट समितिमा रहनेछन् ।