काठमाडौं– पोखरा महानगरपालिकाको मतगणनामा गठबन्धनबाट एकीकृत समाजवादीका मेयर उम्मेदवार धनराज आचार्यले अग्रता बढाएका छन् ।

पोखरामा ६१ हजार १२२ मतगणना हुँदा आचार्यले २५ हजार २२६ मत पाएका छन् । मेयरमै एमाले उम्मेदवार कृष्ण थापाले २२ हजार १९२ मत पाएका छन् । अहिलेसम्म आचार्यले तीन हजार ३४ मतले अग्रता लिएका छन् ।

राप्रपाबाट मेयर उम्मेदवार शंकर खरालले २५ सय ९० मत पाएका छन् भने स्वतन्त्र उम्मेदवारी दिएका खडकराज पौडेलले १४ सय ८० मत पाएका छन् ।

त्यस्तै उपमेयरमा गठबन्धनबाट कांग्रेसकी कोपिला रानाभाटले २५ हजार ४५९ मत पाएकी छन् । उपमेयरमा एमालेकी उम्मेदवार मञ्जुदेवी गुरुले २५ हजार ४०४ मत पाएकी छन् । उपमेयरमा चर्को प्रतिस्पर्धा देखिन्छ ।