काठमाडौँ- स्काठमाडौँको चन्द्रागिरि नगरपालिकामा पुनः नेपाली काँग्रेस विजयी भएको छ ।

गत शुक्रबार सम्पन्न स्थानीय तहको निर्वाचनमा काँग्रेसले नगर प्रमुखसहित बहुमत वडाध्यक्ष आफ्नो पक्षमा ल्याउन सफल भएको छ । प्राज्ञिक एवं विकास प्रेमी नेताका रूपमा घनश्याम गिरी काँग्रेसका तर्फबाट मेयर पदमा दोस्रो कार्यकालका लागि निर्वाचित भएका हुन् ।

गिरीले १५ हजार ४७५ मत प्राप्त गरी नगरप्रमुखमा विजयी भएका हुन् भने उनका निकटतम प्रतिस्पर्धी नेकपा ९एमाले० का उत्तम बहादुर रावतले १४ हजार ६५१ मत पाए । उनी वडा नं १५ का निवर्तमान वडाध्यक्ष  हुन् । उपमेयरमा भने एमालेकी बसन्ती श्रेष्ठ विजयी भएकी छन् ।

उनले १५५६४ मत पाएका छन् । नगरपालिकाको वडा न १, ३, ४, ७, ८, ९, ११,  १३ र १५ मा काँग्रेसले  विजय हासिल गरेको छ । काँग्रेसका तर्फबाट नवनिर्वाचित  वडाध्यक्ष  वडा नं १ मा हरिश्याम राना मगर, ३ मा दुर्गालाल महर्जन, ४ मा कृष्णप्रसाद खड्गी, ७ मा शम्भु केसी, ८ मा प्रह्लाद रिजनल, ९ मा अच्युत अधिकारी, ११ मा नरेन्द्रराज श्रेष्ठ  १३ मा श्रीकृष्ण खत्री र १५ मा घनश्याम लुइँटेल छन् ।

निर्वाचित भएपछि उनले भने, “निर्वाचनका समयमा नगरवासीसमक्ष आफूले शिक्षा, स्वास्थ्य, पूर्वाधार विकासलगायतका क्षेत्रमा गरेका प्रतिबद्धता पूरा गर्नेछु । यस चन्द्रागिरि नगरलाई मुलुककै नमूना प्रविधि मैत्री नगरपालिकाको रूपमा स्थापित गर्नेछु ।”