काठमाडौँ– नेकपा माओवादी केन्द्रका अध्यक्ष पुष्प कमल दाहाल प्रचण्डले रूपान्तरणको काम आफैबाट सुरु गर्न पार्टीका नेताहरूलाई सुझाव दिएका छन् । 

रामवृक्ष यादवको २८ औँ स्मृति दिवसका अवसरमा माओवादी पार्टी कार्यालय पेरिसडाँडामा आयोजित कार्यक्रममा प्रचण्डले पार्टीलाई अघि बढाउन एक व्यक्ति मात्रै रूपान्तरण भएर नपुग्ने भन्दै रूपान्तरणको सुरुवात आफैबाट गर्न पार्टीका नेताहरूलाई सुझाव दिएका हुन् । उनले नेताहरूले आफ्नो भनाई र गराई लाई एकरूपता ल्याई अन्तरविरोधलाई हल गर्नुपर्ने बताए ।

 समाजवादीको बिचारलाई बिकसित गर्ने र समाजवादी क्रान्तिको नयाँ रणनीति बनाउनका लागि बाम आन्दोलनको पुन ध्रुविकरण गर्ने मै जोड रहेको र विभिन्न कोणबाट छलफल भइरहेको उनले बताए । उनले अहिले पार्टी पंङ्गी आगामी निर्वाचनको तयारीमा लागेको भन्दै गठबन्धनभित्र पनि तीव्र रुपमा छलफल भइरहेको जानकारी दिए ।

प्रचण्डले बिचारको विकास नगरीकन अबको दुनियाँमा समाजवादी क्रान्तिलाई अघि बढाउन नसकिने धारणा राखे। उन बिचारको संश्लेषण गरेर आगामी महाधिवेशन छिटै गर्ने पनि बताए । रामवृक्ष यादवको जनयुद्ध तयारीका क्रममा २०५१ भदौ २ गते धनुषामा हत्या भएको थियो ।