काठमाडौँ– नेकपा एकीकृत समाजवादीको स्थायी कमिटी बैठक भोलि बस्ने भएको छ ।
एमसीसी र सत्ता गठबन्धनको भविष्यका विषयमा आधिकारिक धारणा सार्वजनिक गर्ने उद्देश्यले स्थायी कमिटी बैठक बस्न लागेको हो ।
यी विषयमा भोलि पार्टीको आधिकारिक धारणा सार्वजनिक हुने एक नेताले बताए ।
एमसीसीलाई लिएर सत्ता गठबन्धनमा तीव्र मतभेद हुन थालेपछि बैठक बोलाइएको छ ।
नेपाली काँग्रेसबाहेक गठबन्धनका सबै दल एमसीसीलाई यथास्थितिमा पारित गर्न नहुने अडानमा छन् ।
एमसीसीका कारण गठबन्धन नै धराममा पर्न थालेपछि बीचको बाटो निकाल्न नेकपा समाजवादी पार्टीका नेतृत्वमाथि तीव्र दबाब छ ।
प्रतिक्रिया