काठमाडौँ – अफ्रीका कप अफ नेसन्समा आयोजक क्यामरुन अन्तिम १६ मा प्रवेश गरेको छ ।
समूह ‘ए’अन्तर्गत केप भर्डेविरुद्ध १–१ गोलको बराबरी खेल्दै क्यामरुनले समूह विजेता बनेको हो ।
क्यामरुनका भिन्सेन्ट अबोबाकारले ३९ औं मिनेटमा गरेको गोल केव भर्डेका ग्यारी रोड्रिगेजले ५३ औं मिनेटमा फर्काएका थिए ।
बराबरीसँगै आयोजक क्यामरुनले तीन खेलबाट सात अंक जोडेको छ ।
गएराती नै भएको खेलमा इथियोपियाले बुर्किना फासोसँग १–१ को बराबरी खेलेको थियो ।
बुर्किना फासो र केप भर्डेको समान चार–चार अंक भए पनि केप भर्डे गोल अन्तरका कारण तेस्रो स्थानमा छ ।
यसै समूहमा केवल एक अंक जोडेको इथियोपिया चौथो स्थानमा रहेको छ ।
प्रतिक्रिया