बैतडी- बैतडीको सुर्नया गाउँपालिका अध्यक्षमा नेकपा एमालेका अम्मर कुवर विजयी भएका छन् ।

कुवरले नेकपा (एकीकृत समाजवादी)का नरेन्द्र बिष्टलाई २५ मतले पराजित गर्दै विजय हासिल गरेका हुन् । उपाध्यक्षमा भने, नेपाली कांग्रेसका मञ्जु बोहरा विजयी भएकी छन् । बोहराले राप्रपाका देव बहादुर चन्द तथा माओवादी केन्द्रलाई पराजित गर्दै विजय हासिल गरेकी हुन् ।

सुर्नयाका वडाहरुमा भने, मिश्रित परिणाम आएको छ । वडा न.१मा एमालेका धन बहादुर चन्द विजयी हुँदा, वडा न.२ का राप्रपाका गणेश बिष्ट विजयी भएका छन् । वडा न.३मा कांग्रेसका सम्भु भट्ट विजय हुँदा वडा न.४ का कांग्रेसकै प्रताप महरा विजयी भएका हुन् । वडा न.६ मा एमालेका मदन अवस्थी विजय भएका छन् । वडा न.७ मा कांग्रेसका भक्त बहादुर कुवर र वडा न.८मा कांग्रेसकै भानबहादुर चन्दले जित हासिल गरेका छन् ।