काठमाडौँ- अफगानिस्तमा शासन चलाइरहेको तालिबानले भारतमा आफ्ना सैनिकलाई तालिमका लागि पठाउन तयार रहेको जनाएको छ ।

तालिबानको सरकारका रक्षामन्त्री मुल्लाह याकुबले अफगान सैनिकलाई सैन्य प्रशिक्षणका लागि भारत पठाउन तयार रहेको जनाएका हुन् ।

तालिबानका संस्थापक मुल्लाह ओमरका छोरा समेत रहेका उनले भारतमा सैनिक तालिमका लागि अफगान सैनिकलाई पठाउन तयार रहेको जनाएका हुन् ।

पाकिस्तानी समाचार पोर्टल द न्युज पाकिस्तानका अनुसार ‘भारतसँग नजिकको साझेदारीका लागि तयार हुनुहुन्छ ?’ भन्ने भारतीय सञ्चार माध्यमको प्रश्नमा मुल्लाह याकुबले सुरुमा आफूहरु कूटनीतिक सम्बन्धको पक्षमा रहेको र त्यसपछि मात्र रक्षा साझेदारीबारे विचार गरिने प्रतिक्रिया दिएका थिए ।

भारतीय टेलिभिजन च्यानल न्युज १८ सँग याकुबले अफगान सैनिकलाई भारतमा तालिमका लागि पठाउन तयार रहेको जनाएका हुन् । ‘हो, हामी यसमा कुनै समस्या देख्दैनौँ । अफगान भारत सम्बन्ध अझ मजबुत हुनेछ र यसका लागि हामी तयार छौँ ।’ मुल्लाह याकुबलाई उद्धृत गर्दै द न्युज पाकिस्तानले जनाएको छ ।