काठमाडौँ – यसवर्षको मनसुन अझै हटेको छैन । भारतको उत्तर प्रदेश आसपास रहेको न्यून चापीय प्रणालीको सामान्य प्रभावले देशभरको मौसममा सामान्यदेखि पूर्ण बदली भइरहेको मौसम पूर्वाअनुमान महाशाखाले जनाएको गरेको छ।

जसअनुसार भोलि शनिबार सुदूरपश्चिम र कर्णाली प्रदेशका भू-भागमा आंशिकदेखि सामान्य बदली रही बाँकी प्रदेशहरूमा आंशिक बदली देखि मौसम सामान्यतया सफा रहनेछ। सुदूरपश्चिम, कर्णाली र लुम्बिनी प्रदेशका एक-दुई स्थानमा भने मेघ गर्जन र चट्याङसहित हल्का वर्षाको सम्भावना रहेको छ।

भोलि राति देशको पहाडी भू-भागमा आंशिक बदली र बाँकी भू-भागमा मौसम सामान्यतया सफा रहने महाशाखाको आँकलन छ।

पर्सि आइतबार दिउँसो सुदूरपश्चिम र कर्णाली प्रदेशका भू-भागमा आंशिकदेखि सामान्य बदली रही बाँकी प्रदेशहरूमा आंशिक बदलीदेखि मौसम सामान्यतया सफा रहने अनुमान छ। सुदूरपश्चिम प्रदेशको एक-दुई स्थानमा मेघ गर्जन र चट्याङसहित हल्का वर्षाको सम्भावना रहेको महाशाखाले शुक्रबार बिहान जारी गरेको विज्ञप्तिमा उल्लेख छ।

पर्सि रातिदेखि भने देशको पहाडी भू-भागमा आंशिक बदली र बाँकी भू-भागमा मौसम सामान्यतया सफा रहने बताइएको छ।