सर्लाहीमा ट्र्याक्टर दुर्घटना हुँदा एक जनाको मृत्यु

२९ श्रावण २०७९, आइतबार

पढ्न लाग्ने समय : < 1 मिनेट

सर्लाही – सर्लाहीको लालबन्दी नगरपालिका–५ रंजितपुरमा ट्र्याक्टर दुर्घटना हुँदा एक जनाको मृत्यु भएको छ ।

मृत्यु हुनेमा ट्र्याक्टरमा सवार स्थानीय ३६ वर्षीय लल्लु माझी मुसर रहेका छन् ।

दुर्घटनामा गम्भीर घाइते भएका मुसरको उपचारका क्रममा मलंगवा स्थित प्रादेशिक अस्पतालमा मृत्यु भएको हो ।

बालुवा लोड भएको ना ५ त ९९७१ नम्बरको ट्र्याक्टर हिजो साँझ ६ बजे अनियन्त्रित भई पल्टिएको थियो ।

दुर्घटना पश्चात् फरार रहेका ट्र्याक्टर चालकको खोजी भइरहेको इलाका प्रहरी कार्यालय लालबन्दी सर्लाहीले जनाएको छ ।

प्रकाशित मिति : २९ श्रावण २०७९, आइतबार ११ : २५ बजे

प्रतिक्रिया