काठमाडौँ- पाकिस्तान फुटबल संघले आउँदो बुधबार नेपालविरुद्ध हुने अन्तर्राष्ट्रिय फुटबलका लागि हसन वासिरको कप्तानीमा २४ सदस्यीय टोली घोषणा गरेको छ ।

फिफाको निलम्बन फुकुवा भएपछि पाकिस्तानले ३० कात्तिकमा नेपालसँग पहिलो अन्तर्राष्ट्रिय खेल खेल्न लागेको हो ।

खेल त्रिपुरेश्वस्थित दशरथ रंगशालामा साँझ ५ बजे सुरु हुनेछ । जसका लागि एन्फाले टिकटको मूल्य समेत निर्धारण गरेको छ । सामान्यतर्फ ५०० र भीआईपीतर्फ एक हजार रुपैया निर्धारण गरेको छ।

नेपालले शुक्रबार पाकिस्तानविरुद्ध खेलका लागि २३ सदस्यीय टोलीको घोषणा गरिसकेको छ । यस पटक टोलीको प्रीशषकमा प्रवेश कटुवाल रहेका छन् ।

पाकिस्तानी टोलीः

गोलकिपरः साकिब हानिफ, युसुफ इजाज बट, अब्दुल बासित

रक्षकः राओ उमर हायात, जेन उल अबादिन जुनियर, जुनैद शाह, सोहेल खान, अब्दुल्लाह शाह, सरदार वाली, हासिब अहमेद खान, मोमुन मोसा खान, अब्दुल्लाह इकबाल

मिडफिल्डरः उमर अली, जैनुल अविदिन सिनियर, अब्दुल कादिर खान, आलमगिर गाजी, मोहम्मद आदनान याकुव, अदनान सइद

स्ट्राइकरः मोहम्मद अफ्जल, हुसैन वासिर, मुहामेद वाहिद, वालिद खान, सायक दोस्त, आदिल युनुस