काठमाडौँ– नेपाली काँग्रेसका नेता शेखर कोइरालाको समूहले आगामी निर्वाचनमा पार्टीभित्र ४० प्रतिशत सिट माग गर्ने भएको छ ।

शनिबार बसेको शेखर पक्षको बैठकले पार्टी सभापति शेरबहादुर देउवासँग ४० प्रतिशत सिट माग गर्ने निर्णय गरेको हो ।
सभापतिबाट ८ महिनामा न्यायोचित निर्णय नभएकाले अस्तित्वको लडाइँ लड्नुपर्ने अवस्था सिर्जना भएको बैठकमा सहभागि एक नेताले बताए ।

‘ आठ महिना भयो अहिलेसम्म कुनै पनि निर्णय प्रक्रियामा प्रतिस्पर्धी समूहको एक जनालाई पनि सभापतिले समेट्नुभएको छैन। अब न्यायोचित निर्णय गर्नुहुन्न भने ४० प्रतिशत चाहियो, ४० प्लस चाहियो’ उनले भने ।

साथै शेखर समूले कम्तीमा ४० प्रतिशत नपाए अन्तरसङ्घर्ष गर्ने चेतावनी दिएको छ।