काठमाडौँ- पछिल्ला केही दिनदेखि कोरोना संक्रमितको सङ्ख्या बढ्न थालेको छ । आज एकै दिन २०० बढी संक्रमित फेला परेका छन् ।
स्वास्थ्य तथा जनसङ्ख्या मन्त्रालयका अनुसार आज उपत्यकामा १२५ जनामा संक्रमण पुष्टि भएको छ । काठमाडौँमा १००, ललितपुरमा १८ र भक्तपुरमा ७ संक्रमित भेटिएका छन् ।
काठमाडौँ उपत्यकामा मात्रै सक्रिय संक्रमितको सङ्ख्या ६९४ छ । होम आइसोलेसनमा ९८४ र संस्थागत आइसोलेसनमा २१ छन् । सोमध्ये १२ जना आइसियु र एक जनाको भेन्टिलेटरमा उपचार भइरहेको मन्त्रालयले जनाएको छ ।
पछिल्लो २४ घण्टामा ६३ हजार ३७८ जनाले कोरोना भाइरसविरुद्धको खोप लगाएका छन् ।
प्रतिक्रिया