काठमाडौँ – प्रतिनिधि सभाको उपसभामुख पदका लागि चुनाव हुने भएको छ।

सभामुख अग्निप्रसाद सापकोटाले आजको प्रतिनिधिसभाको बैठकमा उपसभामुख पदको निर्वाचन मिति र समय तोक्ने जनाइएको छ।

२०७६ माघ ६ गते तत्कालीन उपसभामुख शिवमाया तुम्वाहाम्फेले राजीनामा गरेपछि प्रतिनिधि सभामा उपसभामुख पद रिक्त छ ।

सभामुख र उपसभामुख एउटै दलले लिन नपाउने संवैधानिक व्यवस्था छ । राष्ट्रियसभाको उपाध्यक्ष पद पनि रिक्त छ।

मंगलबारको राष्ट्रिय सभाको बैठकमा सांसद् वामदेव गौतमले उपसभामुख र उपाध्यक्ष पदमा महिला चयन हुनुपर्ने भएकाले नै सरकार र राजनीतिक दलको ध्यान नपुगेको बताएका थिए। प्रतिनिधिसभाको बैठकमा पनि सांसद्‍हरुले उपसभामुख र उपाध्यक्ष चयन हुन नसकेको भन्दै आवाज उठाउँदै आएका छन् ।