काठमाडौँ– निर्वाचन आयोगले प्रारम्भिक आंकडाअनुसार स्थानीय तहको चुनावमा ६४ प्रतिशत मतदान भएको जनाएको छ ।

प्रमुख निर्वाचन आयुक्त दिनेश थपलियाले शुक्रबार बिहान ७ बजेदेखि बेलुकासम्म ६४ प्रतिशत मतदान भएको जानकारी दिएका हुन् । तर, केही स्थानमा ढिलोसम्म पनि मतदान जारी रहेकाले यकिन तथ्यांक आउन बाँकी रहेको पनि स्पष्ट पारे ।

प्रमुख आयुक्त थपलियाले काठमाडौँमा ५२ प्रतिशत मतदान भएको पनि जनाकारी दिएका छन् । यद्यपि यो पनि प्रारम्भिक आंकडा मात्र रहेको उनले बताए ।

आयोगले काठमाडौँमा ६५ देखि ७० प्रतिशतसम्म मतदान हुने अपेक्षा गरेको थियो ।

मतदानका क्रममा विभिन्न स्थानमा झडप भएको विषयमा उनले एकैपटक निर्वाचन गरिएकाले समस्या भएको बताए ।

https://www.facebook.com/watch/?v=3172713992974525