काठमाडौं– निर्वाचन आयोगका प्रमुख आयुक्त दिनेशकुमार थपलियाले भक्तपुरको लोकन्थलीसिथ्त उपस्वास्थ्य चौकीमा पुगेर मतदान गर्दैछन्। शुक्रबार देशभर एकसाथ हुन लागेको निर्वाचनमा प्रमुख आयुक्त थपलिया बिहानै मतदानस्थलमा पुगिसकेका छन्।

थपलियाले भक्तपुरको मध्यपुर ठिमी १ को लोकन्थली उपस्वास्थ्य चौकी केन्द्रमा मतदान गर्न लागेका हुन्। त्यसैगरी आयुक्त ईश्वरीप्रसाद पौडेलले टिका विद्याश्रम मावि सानेपामा मतदान गर्नेछन्।

आयुक्त रामप्रसाद भण्डारीले मिलन विद्यामन्दिर अनामनगर, आयुक्त जानकीकुमारी तुलाधरले लमजुङको महेन्द्र मन्दिर मावि र आयुक्त सगुन शम्शेर जबराले धापासी निमावी टोखाबाट मतदान गर्नेछन्।

आयोगका सचिव गोकर्णमणि दुवाडीले रिडमोडेल कलेज ठूलो भर्‍याङ केन्द्रबाट मतदान गर्दैछन्।